ඕස්ට්‍රේලියා ක්‍රීඩක කැමරන් ග්‍රීන්ගෙන් විශිෂ්ඨ ශතකයක්.
ඕස්ට්‍රේලියා හා නවසීලන්තය අතර, තරඟ 2කින් සමන්විත ටෙස්ට් තරඟාවලියේ පලමු තරඟයේ කාසියේ වාසිය දිනාගත් නවසීලන්ත නායක ටිම් සවුතී, පලමුව පන්දු යැවීමට තීරණ කළ අතර, ඒ අනුව පලමුව පන්දුවට පහර දුන් ඕස්ට්‍රේලියා කණ්ඩායමේ පලමු ඉනිම මීට සුළු මොහොතකට පෙර අවසන් වුණා.
ඕස්ට්‍රේලියා කණ්ඩායමට ආරම්භයේදී එතරම් සාර්ථක වීමට නොහැකි වූ අතර, ඔවුන්ගේ පලමු කඩුලු 4, ලකුණු 89ක් තුළ දවාගැනීමට නවසීලන්තය සමත්වුණා.
නමුත්, එක් අන්තයක සිට, විශිෂ්ඨ ඉනිමක් ක්‍රීඩා කළ Camaron Green ටෙස්ට් දිවියේ සිය 2 වන ශතකය රැස්කර ගත් අතර, ඕස්ට්‍රේලියා කණ්ඩායම පලමු ඉනිමට සියලුම දෙනා දැවී රැස්කරගත් ලකුණු ප්‍රමාණය 383ක්.
එහිදී, කැමරන් ග්‍රීන්, ඉනිම අවසාන වෙන තෙක්ම නොදැවී කඩුල්ලේ රැඳීසිටිමින්, පන්දු 275කදී, හතරේ පහර 23ක් හා හයේ පහර 5ක් සමඟින් ලකුණු 174ක් ලබාගැනීමට සමත්වුණා.
විශිෂ්ඨ පන්දු යැවීමක නිරත වූ, Matt Henry ලකුණු 70කට කඩුලු 5ක් බිඳ දැමූ අතර, William O’Rourke, Scott Kuggeleijn කඩුලු දෙක බැඟින් හා Rachin Ravindra එක් කඩුල්ලක් බිඳ දැමූවා.
මේ වන විට, නවසීලන්තය සිය පලමු ඉනිම පන්දුවට පහර දෙමින් සිටී.
