රෝයල් චැලන්ජර්ස් බැංගලෝර් කණ්ඩායමේ ප්‍රබලයකුට මීලඟ තරඟය අහිමිවෙයි

රෝයල් චැලන්ජර්ස් බැංගලෝර් කණ්ඩායමේ ක්‍රීඩා කරන ඕස්ට්‍රේලියා ක්‍රීඩක ග්ලේන් මැක්ස්වෙල්ට මීලඟ සන්රයිසස් හයිද්‍රාබාද් කණ්ඩායම සමඟින් පැවැත්වීමට නියමිත තරඟය අහිමිවන බව වාර්තාවෙනවා.

ඒ, මුම්බායි ඉන්දියන්ස් කණ්ඩායම සමඟින් පැවතී තරඟය අතරතුරේදී පන්දු රකිමින් සිටි අවස්ථාවේදී ඇඟිල්ලේ ඇතිවූ ආබාධයක් හේතුවෙන්.

මෙවර තරඟාවලියේ මැක්ස්වෙල් ඉනිම් 6ක් ක්‍රීඩා කරමින් ලබාගෙන තිබුණේ ලකුණු 32ක් පමණයි. වැඩිම ලකුණු සංඛ්‍යාව ලකුණු 28ක් වන් අතර, ලකුණු නොලබා තුන්වතාවකදී දැවීගොස් තිබෙනවා.

මුම්බායි ඉන්දියන්ස් කණ්ඩායම සමඟින් පැවතී තරඟයේදී ලකුණු නොලබා දැවීයාමත් සමඟින් ඔහු ඉන්දීය ප්‍රිමියර් ලීග් තරඟාවලිය තුළ රෝහිට් ශර්මා හා දිනේශ් කාර්තික් තබා තිබූ වැඩිම වාර ගණනක් ලකුණු නොලබා දැවීගිය වාර ගණන සමකිරීමට සමත්වූණා. ඒ අවස්ථා 17කදී ලකුණු නොලබා දැවී යාමෙනි.