පළමු දිනයේ සියලු ගොරව එංගලන්ත Lions කණ්ඩායමට..
සංචාරක ශ්‍රී ලංකා කණ්ඩායම සහ එංගලන්ත Lions කණ්ඩායම අතර සිව්දින පෙර පුහුණු තරඟය ඊයේ ( 14 ) ආරම්භ වූ අතර පළමු දිනයේ සියලු ගෞරව හිමිවුණේ එංගලන්ත Lions කණ්ඩායමටයි.
කාසියේ වාසිය දිනාගත් එංගලන්ත Lions කණ්ඩායම පළමුව පන්දුයැවීමට තීරණය කළ අතර ඒ අනුව පළමු ඉනිම ක්‍රීඩාකළ ශ්‍රී ලංකා කණ්ඩායමට ලබාගැනීමට හැකිවුණේ ලකුණු 139 ක් පමණයි. ශ්‍රී ලංකා ඉනිමේ වැඩිම ලකුණුලාභියා වූ දිමුත් කරුණාරත්න ලකුණු 26 ක් සහ ප්‍රභාත් ජයසූරිය ලකුණු 20 ක් රැස්කළා. අනෙකුත් කිසිම පිතිකරුවෙකුට ලකුණු 20 සේ සීමාව පසුකිරීමට එංගලන්ත Lions පන්දුයවන්නන් ඉඩ ලබාදුන්නේ නෑ. විශිෂ්ට පන්දුයැවීමක නිරතවූ Zaman Akhter ලකුණු 32 කට කඩුලු 05 ක් බිඳදැමුවා.
පළමු දිනය නිමාවනවිට පළමු ඉනිම ක්‍රීඩාකරන එංගලන්ත Lions කණ්ඩායම කඩුලු 04 ක් දැවී ලකුණු 145 ක් ලබාසිටියා. ඒ අනුව පළමු දිනය නිමාවනවිට එංගලන්ත Lions කණ්ඩායම ශ්‍රී ලංකා පළමු ඉනිමට වඩා ලකුණු 06 ක් ඉදිරියෙන් පසුවන්නේ කඩුලු 06 ක් අතැතිවයි. එංගලන්ත Lions ඉනීමේ දැවීගිය කඩුලු හතරෙන් 03 ක්ම දවාගැනීමට ප්‍රභාත් නිශ්ශංක සමත්වුණා.
