නවසීලන්තයට එරෙහිව ශ්‍රී ලංකා කණ්ඩායමේ වෙනස්කම් කිහිපයක්..
එළඹෙන නොවැම්බර් 09 වනදා ආරම්භ වීමට නියමිත නවසීලන්තය සහ ශ්‍රී ලංකාව අතර තරඟ දෙකකින් සමන්විත විස්සයි විස්ස තරඟාවලියටත් නිමාවූ බටහිර ඉන්දීය කොදෙව් කණ්ඩායමට එරෙහිව විස්සයි විස්ස තරඟාවලිය ක්‍රීඩාකළ ශ්‍රී ලංකා කණ්ඩායමම නම්කිරීමට නියමිත බව Daily News වාර්තා කරනවා.
එලෙසම ලෝක ටෙස්ට් ශූරතාවලියේ ශ්‍රී ලංකාවට තීරණාත්මක දකුණු අප්‍රිකාව සමඟ ටෙස්ට් තරඟාවලියට ක්‍රීඩාකරන ශ්‍රී ලංකා කණ්ඩායමේ ක්‍රීඩකයින් 10 හ දෙනෙකු තරඟාවලියට සූදානම් වීමේ අරමුණෙන් වේලාසනම දකුණු අප්‍රිකාවට පිටත්ව යාමටද නියමිතයි. කෙසේවෙතත් කමිඳු මෙන්ඩිස්, කුසල් මෙන්ඩිස්, පැතුම් නිශ්ශංක සහ අසිත ප්‍රනාන්දුට නවසීලන්තයට එරෙහිව පැවැත්වෙන විස්සයි විස්ස තරඟාවලිය හේතුවෙන් දකුණු අප්‍රිකාව බලා පිටත්ව යාම ප්‍රමාද වන බවද වාර්තා වෙනවා.
නවසීලන්තයට එරෙහිව එක්දින තරඟාවලිය වෙනුවෙන් ශ්‍රී ලංකා A කණ්ඩායම නියෝජනය කරමින් දක්ශතා දැක්වූ එශාන් මාලිංග, ලහිරු උදාර ඇතුලු ක්‍රීඩකයින් කිහිපදෙනෙක් ශ්‍රී ලංකා එක්දින සංචිතයට කැඳවීමට නියමිත බවද Daily News වාර්තා කරනවා.
