2025 IPL වෙන්දේසිය සොදි අරාබියේදී..

2025 IPL තරඟාවලියේ ක්‍රීඩක වෙන්දේසිය එළඹෙන නොවැම්බර් 24 සහ 25 දින දෙක තුළ සෞදි අරාබියේ Jeddah හීදී පැවැත්වීමට නියමිතව තිබෙනවා.

වෙන්දේසිය සඳහා ක්‍රීඩකයින් 1574 ක් ලියාපදිංචි වී තිබෙනවා. ඊට ඉන්දීය ක්‍රීඩකයින් 1165 ක් සහ විදේශීය ක්‍රීඩකයින් 409 ක් ඇතුළත්.

වෙන්දේසිය සඳහා වැඩිම ක්‍රීඩකයින් සංඛ්‍යාවක් ලියාපදිංචි වී තිබෙන විදෙස් රට වන්නේ දකුණු අප්‍රිකාවයි. මීට අමතරව ඕස්ට්‍රේලියානු ක්‍රීඩකයින් 76 ක් සහ එංගලන්තයෙන් ක්‍රීඩකයින් 52 ක් ලියාපදිංචි වී තිබෙනවා.

වෙන්දේසිය සඳහා ශ්‍රී ලංකා ක්‍රීඩකයින් 29 දෙනෙක්ද ලියාපදිංචි වී තිබෙනවා. ඒ අතරට වනිඳු හසරංග, දසුන් ශානක වැනි ප්‍රභල ක්‍රීඩකයන්ද ඇතුළත්ව ඇති බවද වාර්තා වෙනවා.