ඇෆ්ගනිස්තාන සුපිරි ක්‍රීඩකයා, එක්දින පිටියට සමුදීමට සැරසෙයි.

ලබන වසරේ පැවැත්වීමට නියමිත ශූරයින්ගේ කුසලානයෙන් (Champions trophy) පසුව, ජාත්‍යන්තර එක්දින ක්‍රිකට් පිටියෙන් සමුගැනීමට, ඇෆ්ගනිස්තාන කණ්ඩායමේ සිටින විශිෂ්ටතම තුන්ඉරියව් ක්‍රීඩකයෙක් වන මොහොමඩ් නබී තීරණය කර තිබෙනවා.

මේ වන විට වයස අවුරුදු 39ක් වන ඔහු, ඇෆ්ගනිස්තානය වෙනුවෙන් එක්දින තරඟ 165ක් ක්‍රීඩා කර ඇති අතර, ඉනිම් 145කදී පන්දුවට පහරදෙමින් ලකුණු 3549ක් ලබාගෙන තිබෙනවා. ඔහුගේ ජාත්‍යන්තර එක්දින දිවිය තුළ ශතක 2ක් හා අර්ධ ශතක 17ක් ලබාගෙන ඇති අතර, ඉනිමකදී ලබාගෙන ඇති වැඩිම ලකුණු සංඛ්‍යාව 136ක්.

පන්දු යැවීමෙන් ඔහු කඩුලු 171ක් බිඳ දමා තිබෙන අතර, ඉනිමක හොඳම පන්දු යැවීම ලකුණු 17කට කඩුලු 5ක් දවාගැනීමයි.