News
දකුණු අප්‍රිකාවට එරෙහිව ටෙස්ට් තරඟාවලියේදී තවත් සුපිරි දඟපන්දු යවන්නෙක් කණ්ඩායමට..
ලෝක ටෙස්ට් ශූරතාවලියේ අවසන් මහා තරඟයට සුදුසුකම් ලැබීම සඳහා දෙපිළටම තීරණාත්මක තරඟ දෙකකින් සමන්විත ශ්‍රී ලංකා – දකුණු අප්‍රිකා ටෙස්ට් තරඟාවලියේදී වසර දෙකකට පසුව නැවතත් දඟපන්දු යවන ක්‍රීඩක ලසිත් ඇඹුල්දෙණිය ශ්‍රී ලංකා ටෙස්ට් කණ්ඩායමට කැඳවා තිබෙනවා.
දකුණු අප්‍රිකාවට එරෙහිව ටෙස්ට් තරඟාවලියට එක්වන ශ්‍රී ලංකා ටෙස්ට් නායක දනංජය ද සිල්වා ඇතුළු ප්‍රභල ක්‍රීඩකයින් කිහිපදෙනෙක් අද (12) දකුණු අප්‍රිකාව බලා පිටත්ව තිබෙන බව වාර්තා වෙනවා. දනංජය ද සිල්වා , දිමුත් කරුණාරත්න , දිනේශ් චන්දිමාල් , ඇන්ජලෝ මැතිව්ස් , ලහිරු කුමාර , කසුන් රාජිත , මිලාන් රත්නායක , නිශාන් පීරීස් , ප්‍රභාත් ජයසූරිය සහ ලසිත් ඇඹුල්දෙණිය ඒ අතරට ඇතුළත්.
ශ්‍රී ලංකා – නවසීලන්ත එක්දින තරඟාවලිය නිමාවීමෙන් අනතුරුව ඉතිරි ක්‍රීඩකයින් කිහිපදෙනා දකුණු අප්‍රිකාව බලා පිටත්ව යාමට නියමිතයි.
