News
පැතුම් නිස්සංක, මෙන්ඩිස් ඇතුළු 4 දෙනෙක් සංචිතයෙන් ඉවත්කරයි.
ශ්‍රී ලංකාව හා නවසීලන්තය අතර, තරඟ තුනකින් සමන්විත එක්දින තරඟාවලියේ පලමු තරඟ දෙකම ජයගත් ශ්‍රි ලංකා කණ්ඩායම, තවත් එක් තරඟයක් ඉතිරිව තිබියදී තරඟාවලියේ ජය තහවුරු කරගැනීමට ඊයේ (17) සමත්වුණා.
මෙලෙස තරඟාවලියේ ජය ගැනීමත් සමඟින් එක්දින සංචිතයේ සිටින පැතුම් නිස්සංක, කමිඳු මෙන්ඩිස්, අසිත ප්‍රනාන්දු හා පලමු තරඟයේදී විශිෂ්ට ශතකයක් හා දෙවන තරඟයේදී ජයග්‍රාහී ඉනිමක් ක්‍රීඩා කළ කුසල් මෙන්ඩිස් තුන්වන තරඟයෙන් ඉවත්කර තිබෙනවා.
ඒ, දකුණු අප්‍රිකාව සමඟින් මීලඟට පැවැත්වීමට නියමිත තීරණාත්මක ටෙස්ට් තරඟාවලිය වෙනුවෙන් එම ක්‍රීඩකයින්ව විවේක ගැන්වීම සඳහායි.
ඒ වෙනුවට, තරුණ ක්‍රීඩක නුවනිඳු ප්‍රනාන්දු, ලහිරු උදාර හා එශාන් මාලිංග තුන්වන හා අවසන් තරඟය සඳහා ශ්‍රී ලංකා සංචිතයට කැඳවා තිබෙනවා.
