මහීශ් තීක්ශණ එක්දින ශ්‍රේණිගත කිරීම්වල පළමු දසදෙනා අතරට..
ICC නවතම ශ්‍රේණිගත කිරීම් අද ( 20 ) නිකුත් වුණා. නිමාවූ ශ්‍රී ලංකා – නවසීලන්ත එක්දින සහ විස්සයි විස්ස තරඟාවලියේ විශිෂ්ට දස්කම් දැක්වූ ශ්‍රී ලංකා ක්‍රීඩකයින් කිහිපදෙනෙක්ම ICC ශ්‍රේණිගත කිරීම්වල කැපීපෙනෙන ලෙසින් ඉදිරියට පැමිණ තිබෙනවා.
නවතම ICC එක්දින පන්දුයවන්නන් ශ්‍රේණිගත කිරීම්වල ස්තාන 06 කින් ඉදිරියට පැමිණෙමින් මහීශ් තික්ශණ 06 වන ස්තානය දක්වා ඉදිරියට පැමිණ තිබෙනවා. කෙසේවෙතත් වනිඳු හසරංග 20 වන ස්තානය දක්වා ස්තාන දෙකකින් සහ දිල්ශාන් මදුසංක 49 වන ස්තානය දක්වා ස්තාන 09 කින් පසුබැස තිබෙනවා.
නවසීලන්තයට එරෙහිව එක්දින තරඟාවලියේ දැක්වූ විශිෂ්ට දස්කම් සමඟින් නවතම ICC එක්දින පිතිකරණ ශ්‍රේණිගත කිරීම්වල කැපිපෙනෙන ලෙසින් ස්තාන 09 කින් ඉදිරියට පැමිණෙමින් 26 වන ස්තානය හිමිකරගැනීමට කුසල් මෙන්ඩිස් සමත්වී තිබෙනවා. කෙසේවෙතත් පැතුම් නිශ්ශංක 08 වන ස්තානය දක්වා එක් ස්තානයකින් සහ නායක චරිත් අසලංක 11 ස් වන ස්තානය දක්වා ස්තාන 02 කින් පසුබැස තිබෙනවා.
නවතම විස්සයි විස්ස පිතිකරණ ශ්‍රේණිගත කිරීම්වල ද කුසල් මෙන්ඩිස් ස්තාන 03 කින් ඉදිරියට පැමිණෙමින් 12 ස් වන ස්තානය හිමිකරගෙන තිබෙනවා. කෙසේවෙතත් පැතුම් නිශ්ශංක එම ශ්‍රේණිගත කිරීම්වලද 09 වන ස්තානය දක්වා එක් ස්තානයකින් පසුබැස තිබෙනවා.
නවතම ICC විස්සයි විස්ස පන්දුයවන්නන් ශ්‍රේණිගත කිරීම්වල සුපුරුදු පරිදි 02 වන ස්තානයේ වනිඳු හසරංග පසුවන අතර මහීශ් තීක්ශණ 05 ස් වන ස්තානය දක්වා එක් ස්තානයකින් පසුබැස තිබෙනවා.
