News
දකුණු අප්‍රිකා ප්‍රභල වේගපන්දු යවන්නෙක් දෙවන ටෙස්ට් තරඟයෙන් ඉවතට..
ලෝක ටෙස්ට් ශූරතාවලියට අදාළ සංචාරක ශ්‍රී ලංකා කණ්ඩායම සහ දකුණු අප්‍රිකා කණ්ඩායම අතර පළමු ටෙස්ට් තරඟයෙන් ලකුණු 233 ක විශිෂ්ට ජයක් වාර්තා කිරීමට දකුණු අප්‍රිකා කණ්ඩායම සමත්වුණා.
දකුණු අප්‍රිකා කණ්ඩායමේ ප්‍රභල වේගපන්දු යවන ක්‍රීඩක ජෙරල්ඩ් කොට්සියා හට ශ්‍රී ලංකාව සමඟ දෙවන ටෙස්ට් තරඟයෙන් ඉවත්වීමට සිදුවී තිබෙනවා. ඒ අබාධ තත්ත්වයක් හේතුවෙන්. මෙම අබාධය හේතුවෙන් ඉදිරියේදී පැවැත්වීමට නියමිත පාකිස්තාන සංචාරයද ඔහුට අහිමිවීමට නියමිතයි.
ඔහුට ආදේශකයක් ලෙස ශ්‍රී ලංකාව සමඟ දෙවන ටෙස්ට් තරඟය වෙනුවෙන් යොවුන් වේගපන්දු යවන ක්‍රීඩක ක්වෙනා මපාකා දකුණු අප්‍රිකා ටෙස්ට් සංචිතයට කැඳවා තිබෙනවා.
