T10 තරඟාවලියේ ආන්දෝලනාත්මක නිපන්දු මාලාව සම්බන්ධයෙන් පරීක්ෂණයක්..

මෙවර අබුඩාබි T10 ලීග් තරඟාවලිය මේ දිනවල පැවැත්වෙනවා. මෙවර තරඟාවලියේ දිල්ලි බුල්ස් කණ්ඩායම සහ බංග්ලා ටයිගර්ස් කණ්ඩායම අතර පැවැත්වුණු තරඟයකදී දිල්ලි බුල්ස් ඉනිමේ 09 වන පන්දුවාරය සම්බන්ධව දැඩි ආන්දෝලනයකට තුඩු දුන්නා. ශ්‍රී ලංකා ක්‍රීඩක දසුන් ශානක යොමුකළ මෙම පන්දුවාරය තුළ නිපන්දු 04 ක් වාර්තා වූ අතර මෙම නිපන්දු පාද සීමා ඉරෙන් ඉතාමත් ඉදිරියෙන් පිහිටි සැකසහිත නිපන්දු වීම විශේෂත්වයක්.

මෙම සැකසහිත නිපන්දු මාලාව සහ තරඟාවලිය අතරතුර වාර්තා වූ තවත් මෙවැනිම සැකසහිත නිපන්දු කිහිපයක් හේතුවෙන් T10 තරඟාවලිය තුළ කිසිඳු තරඟ පාවාදීමක් හෝ කිසියම් දූශණ වංචාවකට අදාළ වරදක් සිදුවී ඇත්දැයි සොයා බැලීම සඳහා ICC දූශණ විරෝධී ඒකකය මඟින් පරීක්ෂණයක් ආරම්භ කර තිබෙන බව වාර්තා වෙනවා.