පලමු පැය 2 තුළදී අපිට ජයග්‍රහණය කරන්න පුළුවන් – කේශව් මහරාජ්
ශ්‍රී ලංකාව හා දකුණු අප්‍රිකාව අතර ටෙස්ට් තරඟාවලියේ, අවසන් ටෙස්ට් තරඟයේ අවසන් දිනය අද (9) දිනයේ දී ශ්‍රී ලංකාවට තරඟය ජයග්‍රහණය සඳහා තවත් ලකුණු 143ක් අවශ්‍ය වන අතර, ඒ සඳහා ඉතිරිව ඇත්තේ කඩුලු 5ක් පමණක් වෙනවා.
නොදැවී කඩුල්ලේ රැඳී සිටින, නායක දනංජය ද සිල්වා හා කුසල් මෙන්ඩිස් දෙදෙනාම ලකුණු 39 බැඟින් ලබාගෙන සිටින අතර, ශ්‍රී ලංකා කණ්ඩායමේ අවසන් නම් දරාපු පිතිකරුවන් දෙදෙනා ද ඔවුන් දෙදෙනායි.
අද දිනයේදී දනංජය ද සිල්වා හා කුසල් මෙන්ඩිස් කඩුලු ලබානොදී, පන්දුවට පහර දීමට හැකිවුවහොත්, අනිවාර්යයෙන්ම ශ්‍රී ලංකා කණ්ඩායම තරඟය ජයග්‍රහණය කරන නමුත්, සිව්වන දිනය අවසානයේදී පැවති මාධ්‍ය හමුවේදී දකුණු අප්‍රිකා ක්‍රීඩක කේශව් මහරාජ් ප්‍රකාශ කර ඇත්තේ, පලමු පැය දෙක ඇතුළතදී ඔවුන් තරඟය ජයග්‍රහණය කරන බවයි.
“පස්වෙනි දිනයේ පලමු පැය දෙක තුළදී අපි තරඟය අනිවාර්යයෙන්ම ජයග්‍රහණය කරනවා. ඒ සඳහා අපිට අවශ්‍ය වන්නේ එක් කඩුල්ලක් පමණයි. ඉතිරි කඩුලු 4 ඉක්මනින්ම දවාගැනීමට අපිට පුලුවන්” – කේශව් මහරාජ්
