ශකිබ් අල් හසන්ට අයි.සී.සී යෙන් තහනමක්..
බංග්ලාදේශ සුපිරි තුන්ඉරියව් ක්‍රීඩක ශකීබ් අල් හසන්ට අයි.සී.සී අනුමත දේශීය සහ ජාත්‍යන්තර තරඟාවලි වලදී පන්දුයැවීම තහනම් කිරීමට අයි.සී.සී ය තීරණය කර තිබෙනවා.
මෙම වසරේ එංගලන්ත ප්‍රාන්ත සිව්දින ක්‍රිකට් තරඟාවලිය අතරතුර ශකීබ් අල් හසන්ගේ පන්දුයැවීමේ ඉරියව්ව සැකසහිත බව විනුසුරුවන් චෝදනා කළ අතර Loughborough විශ්ව විද්‍යාලයේ සිදුකෙරුණු පරීක්ශණයේදී ඔහුගේ පන්දුයැවීමේ ඉරියව්ව නීතිවිරෝදී බව තහවුරු වුණා. ඒ අනුව එංගලන්තය තුළදී ශකිබ්ට පන්දුයැවීම තහනම් කිරීමට එංගලන්ත සහ වේල්ස් ක්‍රිකට් ආයතනය තීරණය කර තිබුණා.
මෙම පරීක්ශණයේ ප්‍රතිඵල අනුව ශකිබ් අල් හසන්ට අයි.සී.සී අනුමත තරඟාවලි තුළදී පන්දුයැවීම තහනම් කළ බව අයි.සී.සී ය බංග්ලාදේශ ක්‍රිකට් ආයතනය වෙත දැනුම්දී තිබෙනවා.
ශකීබ් අල් හසන් මේදිනවල ලංකා T10 තරඟාවලියේ ගෝල් මාර්වල්ස් කණ්ඩායම නියෝජනය කරන අතර ඒ අනුව මෙම තරඟාවලියේද ඔහුට පන්දුයැවීම තහනම් වී තිබෙනවා.
