2024 ICC සම්මාන වෙනුවෙන් ශ්‍රී ලංකිකයින් 04 ක් නිර්දේශිත නාම අතරට..
2024 වසරට අදාළව ICC සම්මාන සඳහා නිර්දේශිත ක්‍රීඩකයින් ICC ය නිවේදනය කර තිබෙනවා. ඒ අනුව වසරේ නැඟිඑන ක්‍රීඩකයා, වසරේ එක්දින ක්‍රීඩකයා, වසරේ විස්සයි විස්ස ක්‍රීඩිකාව සහ වසරේ එක්දින ක්‍රීඩිකාව යන සම්මාන සඳහා ශ්‍රී ලාංකිකයින් සිව්දෙනෙක් නිර්දේශ වී තිබෙනවා.
වසරේ නැඟීඑන ක්‍රීඩකයා සම්මානය වෙනුවෙන් ශ්‍රී ලංකා සුපිරි පිතිකරු කමිඳු මෙන්ඩිස් නිර්දේශ වී තිබෙන අතර ඔහු සමඟින් පාකිස්තාන යොවුන් ක්‍රීඩක සයිම් අයුබ්, බටහිර ඉන්දීය කොදෙව් වේගපන්දු යවන ක්‍රීඩක ශමාර් ජෝසෆ් සහ එංගලන්ත තුන්ඉරියව් ක්‍රීඩක ගස් ඇට්කින්සන් මෙම සම්මානය වෙනුවෙන් නිර්දේශ වී තිබෙනවා.
ICC Emerging Men’s Cricketer of the Year; Gus Atkinson (ENG), Saim Ayub (PAK), Shamar Joseph (WI), Kamindu Mendis (SL).
වසරේ එක්දින ක්‍රීඩකයා සම්මානය වෙනුවෙන් සුපිරි පිතිකරු කුසල් මෙන්ඩිස් සහ සුපිරි තුන්ඉරියව් ක්‍රීඩක වනිඳු හසරංග නිර්දේශ වී තිබෙන අතර ඔවුන් සමඟින් ඇෆ්ගනිස්තාන ක්‍රීඩක අස්මතුල්ලාහ් ඔමර්සායි සහ බටහිර ඉන්දීය කොදෙව් ක්‍රීඩක ශර්පේන් රදර්ෆර්ඩ් වසරේ එක්දින ක්‍රීඩකයා සම්මානය වෙනුවෙන් නිර්දේශ වී තිබෙනවා.
MEN’S ODI CRICKETER OF THE YEAR 2024 : Wanindu Hasaranga, Kusal Mendis, Azmatullah Omarzai, Sherfane Rutherford
එලෙසම වසරේ එක්දින ක්‍රීඩිකාව සහ වසරේ විස්සයි විස්ස ක්‍රීඩිකාව යන සම්මාන ද්විත්වය වෙනුවෙන්ම ශ්‍රී ලංකා නායිකා චමරි අතපත්තු නිර්දේශ වී තිබෙනවා.
WOMEN’S ODI CRICKETER OF THE YEAR 2024 : Chamari Athapaththu, Smriti Mandhana, Annabel Sutherland, Laura Wolvaardt
WOMEN’S T20I CRICKETER OF THE YEAR 2024 : Chamari Athapaththu, Amelia Kerr, Orla Prendergast, Laura Wolvaardt
