ශ්‍රී ලංකාවට එරෙහිව ටෙස්ට් තරඟාවලියේදී ඕස්ට්‍රේලියා නායකත්වයේ වෙනසක්..

එළඹෙන ජනවාරි 29 වනදා සිට පෙබරවාරි 10 වනදා දක්වා පැවැත්වීමට නියමිත ලෝක ටෙස්ට් ශූරතාවලියට අදාළව තරඟ දෙකකින් සමන්විත ශ්‍රී ලංකා – ඕස්ට්‍රේලියා ටෙස්ට් තරඟාවලිය වෙනුවෙන් ඕස්ට්‍රේලියානු කණ්ඩායම ජනවාරි 20 වනදා දිවයිනට පැමිණීමට නියමිතයි.

කෙසේවෙතත් මෙම තරඟාවලියේදී ඕස්ට්‍රේලියා නිත්‍ය ටෙස්ට් නායක පැට් කමින්ස්ට පෞද්ගලික හේතුවක් මත තරඟාවලිය අහිමි වන බව වාර්තා වෙනවා. ඒ ඔහුගේ බිරිඳගේ අපේක්ශිත දරු ප්‍රශූතිය හේතුවෙන් ඇය සමඟ රැඳී සිටීමට සිදුවීම ඇතුළු පෞද්ගලික හේතූන් මතයි.

ඒ අනුව ශ්‍රී ලංකාවට එරෙහිව තීරණාත්මක ටෙස්ට් තරඟාවලියේදී ඕස්ට්‍රේලියානු කණ්ඩායමේ නායකත්වය සුපිරි ටෙස්ට් පිතිකරු ස්ටීව් ස්මිත් හට හිමිවීමට නියමිත බව වාර්තා වෙනවා.