සනත් ජයසූරියගේ ඇරයුමෙන් දසුන් ශානක නැවතත් කණ්ඩායමට ?
මිළඟ විස්සයි විස්ස තරඟාවලියේදී හිටපු ශ්‍රී ලංකා නායක දසුන් ශානකව නැවතත් ජාතික කණ්ඩායමට ඇතුළත් කර ගැනීමට පුහුණුකරු සනත් ජයසූරිය අදහස් කරන බවත් මේ පිළිබඳව නායක චරිත් අසලංක සමඟ පෞද්ගලිකව සාකච්ඡා කර ඇති බවත් Daily Ft වාර්තා කරනවා.
එලෙසම විස්සයි විස්ස කණ්ඩායමේ නොම්බර 04, 05 ස්තාන සහ තුන්ඉරියව් ක්‍රීඩකයින්ගේ අඩුපාඩු සඳහා විසඳුම් සෙවීමට කටයුතු කරන බවද පුහුණුකරු සනත් ජයසූරිය Daily Ft සමඟ පවසා තිබෙනවා.
” එක්දින සහ ටෙස්ට් කණ්ඩායම් වල ක්‍රීඩකයින් ස්තාවරයි. මම පෞද්ගලිකව නොම්බර 04, 05 සහ තුන්ඉරියව් ක්‍රීඩකයින්ගේ අඩුපාඩු පිරවීම සඳහා ක්‍රීඩකයින් සොයනවා.
මේ තරඟාවලියෙන් පස්සෙ අපිට ටික කාලෙකට කිසිම විස්සයි විස්ස ජාත්‍යන්තර තරඟයක් නෑ. තේරීම් කමිටු සාමාජිකයින් එක්ක කතාකරලා අපිට බලන්න වෙනවා ශ්‍රී ලංකා A කණ්ඩායමෙන් නිශ්චිත භූමිකාවන් ඉටුකිරීම සඳහා කාවද ප්‍රධාන සංචිතයට ගන්න පුලුවන් කියලා. ”
යනුවෙන් පුහුණුකරු සනත් ජයසූරිය Daily FT වෙත පවසා තිබෙනවා.
