ශ්‍රී ලංකාවට එරෙහිව ටෙස්ට් තරඟාවලිය සඳහා සහභාගී වීමට ඉඩඇති ඕස්ට්‍රේලියානු සංචිතය මෙන්න..

ලෝක ටෙස්ට් ශූරතාවලියට අදාළව තරඟ දෙකකින් සමන්විත ශ්‍රී ලංකා – ඕස්ට්‍රේලියා ටෙස්ට් තරඟාවලියට සහභාගී වීමට ඉඩඇති ඕස්ට්‍රේලියානු සංචිතය පිළිබඳව ඕස්ට්‍රේලියාවේ ප්‍රමුඛතම ක්‍රීඩා මාද්‍ය ආයතනයක් වන Fox Cricket වාර්තා කර තිබෙනවා.

ඒ අනුව ඕස්ට්‍රේලියානු කණ්ඩායමේ නිත්‍ය නායක පැට් කමින්ස් මෙම තරඟාවලියට එක් නොවන අතර නායකත්වය ස්ටීවන් ස්මිත්ට හිමිවී තිබෙනවා. එලෙසම පීටර් හැන්ඩ්ස්කොබ් වැනි ක්‍රීඩකයින් කිහිපදෙනෙක්ද නැවතත් ටෙස්ට් සංචිතයට කැඳවා තිබෙනවා.

Fox Cricket විසින් නම්කර ඇති කණ්ඩායමට ඕස්ට්‍රේලියානු වේගපන්දු යවන ක්‍රීඩක ජෝශ් හේශල්වුඩ් ඇතුළත් වුවත් තවත් ඕස්ට්‍රේලියානු මාද්‍ය ආයතනයක් වන 7Cricket වාර්තා කරන්නේ ශ්‍රී ලංකා සංචාරයට හේශල්වුඩ් හට සහභාගී වීමට ඉඩක් නොමැති බවයි.

Fox Cricket වාර්තා කරන පරිදි ශ්‍රී ලංකා සංචාරයට එක්වීමට නියමිත ඕස්ට්‍රේලියානු සංචිතය

• Steve Smith (C)
• ⁠Usman Khawaja
• ⁠Sam Konstas
• ⁠Travis Head
• ⁠Marnus Labuschagne
• ⁠Alex Carey (WK)
• ⁠Cooper Connolly
• ⁠Beau Webster
• ⁠Peter Handscomb
• ⁠Josh Hazlewood
• ⁠Josh Inglis (WK)
• ⁠Matt Kuhnemann
• ⁠Nathan Lyon
• ⁠Todd Murphy
• ⁠Mitchell Starc
• ⁠Scott Boland