ශ්‍රී ලංකා – ඕස්ට්‍රේලියා එක්දින තරඟාවලිය එක් තරඟයකින් දීර්ඝ වෙයි..
ලෝක ටෙස්ට් ශූරතාවලියට අදාළව ශ්‍රී ලංකාව සමඟින් තරඟ දෙකක ටෙස්ට් තරඟාවලියක් සඳහා ඕස්ට්‍රේලියානු කණ්ඩායම ජනවාරි 20 වනදා දිවයිනට පැමිණීමට නියමිතයි.
ටෙස්ට් තරඟාවලිය නිමාවීමෙන් අනතුරුව ශ්‍රී ලංකා කණ්ඩායම සහ ඕස්ටේලියාව අතර හම්බන්තොට මහින්ද රාජපක්ශ ජාත්‍යන්තර ක්‍රිකට් ක්‍රීඩාංගණයේදී එක්දින තරඟයක්ද ක්‍රීඩාකිරීමට නියමිතව තිබුණා.
කෙසේවෙතත් එය තරඟ දෙකකින් සමන්විත එක්දින තරඟාවලියක් දක්වා දීර්ඝ කරගෙන ඇතිබව ශ්‍රී ලංකා ක්‍රිකට් ආයතනය නිවේදනය කර තිබෙනවා. එළඹෙන පෙබරවාරි 13 සහ 15 දිනවල තරඟ දෙක පැවැත්වීමට සැලසුම් කර ඇති අතර තරඟ දෙකම දිවා තරඟ ලෙසින් පැවැත්වීමට නියමිත බව වාර්තා වෙනවා. හම්බන්තොට මහින්ද රාජපක්ශ ක්‍රීඩාංගණයේ තරඟ පැවැත්වීමට පෙර සැලසුම් කර තිඹුණත් තරඟ දෙකම කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී පැවැත්වීමට මේවනවිට තීරණය කර තිබෙනවා.
ශ්‍රී ලංකා – ඕස්ටේලියා එක්දින තරඟාවලියේ කාලසටහන
- 1st ODI – 13th February | RPICS Colombo
- 2nd ODI – 15th February | RPICS Colombo
