දේශබන්දු තෙන්නකෝන්ට ශ්‍රී ලංකා ක්‍රිකට් ආයතනයෙක් ලබාදුන් වරප්‍රසාද රැසක් අනාවරණය වෙයි..
මේ දිනවල දැඩි කතාබහකට ලක්ව සිටින ශ්‍රේෂ්ඨාධිකරණය මඟින් වැඩතහනමකට ලක්කළ ශ්‍රී ලංකා පොලිස්පති දේශබන්දු තෙන්නකෝන් මහතාට ශ්‍රී ලංකා ක්‍රිකට් ආයතනය විසින් ලබාදුන් වරප්‍රසාද රැසක් පිළිබඳව හෙළිවී තිබෙනවා.
අද දින ( 20 ) පාර්ලිමේන්තුවේදී රත්නපුර දිස්ත්‍රික් සමඟි ජනබලවේග පාර්ලිමේන්තු මන්ත්‍රී හේශා විතානගේ මහතා විසින් සිදුකළ ප්‍රකාශයක් තුළින් මේ බව අනාවරණය වූ අතර දේශබන්දු තෙන්නකෝන් මහතාට ශ්‍රී ලංකා ක්‍රිකට් ආයතනය මඟින් ගෙවීම් සිදුකිරීමට තීරණය කළ 2021 ජූලි මස 30 වැනි දින ශ්‍රී ලංකා ක්‍රිකට් ආයතනයේ උපසභාපති ජයන්ත ධර්මදාස මහතාගේ සභාපතිත්වයෙන් අත්සන් කළ විධායක කමිටු වාර්තාවද උපුටා දක්වමින් හේශා විතානගේ මහතා මේ බව අනාවරණය කළා.
මෙම වාර්තාව පාර්ලිමේන්තුවේ අද සභාගත කළ අතර එම වාර්තාවට අනුව දේශබන්දු තෙන්නකෝන් මහතාව ශ්‍රී ලංකා ක්‍රිකට් ආයතනයේ ආරකශක කවුන්සිලයේ උපදේශකයෙකු ලෙස පත්කර ඇති අතර මෙම තනතුර වෙනුවෙන් වසර දෙකක කාලයකට දේශබන්දු තෙන්නකෝන් මහතාව පත්කර තිබෙන අතර ඒ සඳහා 150,000 ක මාසික වැටුපක් , මාසිකව ලීටර් 200 ක ඉන්ධන දීමනාවක්, මාසිකව රු 5000 සක දුරකථන දීමනාවක්, සෞඛය රක්ශණාවරණයක්, ලැප්ටොප් , ජංගම දුරකථන ඇතුළු වරප්‍රසාද රැසක් දේශබන්දු තෙන්නකෝන් මහතාට හිමිවී තිබෙනවා.
මේ පිළිබඳව චෝදනා එල්ලවන ශම්මි සිල්වා ඇතුළු පාර්ශ්සවයට මාර්තු 31 පැවැත්වෙන ශ්‍රී ලංකා ක්‍රිකට් නිළවරණයට ඉදිරිපත්වීම අත්හිටුවීමට ක්‍රීඩා අමාත්‍යවරයා ඇතුළු වර්තමාන ආණ්ඩුව කටයුතු නොකරමින් සිටින බබටද හේශා විතානගේ මහතා වැඩිදුරටත් ප්‍රකාශ කර සිටියා.
