මුම්බායි සහ රාජසථාන් කණ්ඩායමේ නායකත්වයේ වෙනස්කම්..
2025 ඉන්දීය ප්‍රීමියර් ලීග් තරඟාවලිය මාර්තු 22 වනදා ආරම්භ වීමට නියමිත අතර තරඟාවලියේ පළමු තරඟය කොල්කටා නයිට් රයිඩර්ස් කණ්ඩායම සහ රෝයල් චැලෙන්ජර්ස් බැංගලෝර් කණ්ඩායම අතර පැවැත්වීමට නියමිතයි.
මුම්බායි ඉන්දියන්ස් කණ්ඩායමේ සහ රාජස්ථාන් රෝයල්ස් කණ්ඩායමේ නිත්‍ය නායකයින් වන හර්දික් පාන්ඩ්‍යා සහ සංජු සැම්සන්ට තරඟාවලියේ මුල් තරඟ කිහිපය අහිමි වන බව වාර්තා වෙනවා.
ඒ අනුව මුම්බායි ඉන්දියන්ස් නායක හර්දික් පාන්ඩ්‍යාට තරඟාවලියේ පළමු තරඟය අහිමිවනවා. ඒ හර්දික් පාන්ඩ්‍යාට 2024 අයි.පී.එල් තරඟාවලියේ මුම්බායි ඉන්දියන්ස් කණ්ඩායම ක්‍රීඩාකළ අවසන් තරඟයේදී නියමිත කාලය තුළ පන්දුවාර 20 යවා අවසන් කිරීමට නොහැකිවීම හේතුවෙන් පැනවූ එක් තරඟයක තහනමක් හේතුවෙන්. ඒ අනුව මෙවර අයි.පී.එල් තරඟාවලියේ මුම්බායි ඉන්දියන්ස් කණ්ඩායම මුහුණදෙන පළමු තරඟයේදී නායක්වය සූර්යකුමාර් යාදව්ට පැවරී තිබෙනවා.
එලෙසම රාජස්ථාන් රෝයල්ස් කණ්ඩායමේ නිත්‍ය නායක සංජු සැම්සන්ටද තරඟාවලියේ රාජස්තාන් කණ්ඩායම මුහුණදෙන පළමු තරඟ ත්‍රිත්වය අහිමිවන බව වාර්තා වෙනවා. ඒ සංජු සැම්සන් ආබාධ තත්වයකින් තවමත් පූර්ණ ලෙස සුවය ලබා නොතිබීම හේතුවෙන්. ඒ අනුව මුල් තරඟ ත්‍රිත්වයේදී රාජස්තාන් රෝය්ල්ස් කණ්ඩායමේ නායකත්වයේ වගකීම රියාන් ප්‍රාර්ග් හට පැවරී තිබෙනවා.
