තරඟ පාවාදීමකට සම්බන්ධ ඉන්දීය ජාතිකයෙකුට බරපතල සිරදඬුවම්..

2024 වසරේ මාර්තු මාසයේ පල්ලෙකැලේදී පැවති ” ලෙජන්ඩ් ට්‍රෝෆි 2024 ” ක්‍රිකට් තරඟාවලියේදී කැන්ඩි සෑම්ප් ආර්මි කණ්ඩායමේ හිමිකරු වූ ඉන්දීය ජාතික යෝගි පටෙල් විසින් තමන්ට තරඟ පාවාදීමේ යෝජනාවක් සිදුකළ බවට උපුල් තරංග ක්‍රීඩා වැරදි වැළැක්වීමේ විශේෂ විමර්ශණ ඒකකයට පැමිණිලි කර තිබුණා.

මෙම පැමිණිල්ලට අදාළව අවස්තා කිහිපයකදීම සාක්ෂි ලබාදීම සඳහා උපුල් තරංග අධිකරණයේ පෙනී සිටි අතර මෙම නඩුවට අදාළව තීන්දුව ප්‍රකාශ කර තිබෙනවා.

ඒ අනුව තරඟ පාවාදීමකට උපුල් තරංගට යෝජනා කළ ඉන්දීය ජාතික යෝගි පටෙල්ට වසර 04 ක බරපතළ වැඩ සහිත සිරදඬුවමක් සහ රු. ලක්ශ 850 ක දඩයක් නියම කර ඇති අතර පැමිණිලිකාර උපුල් තරංගට රු. ලක්ශ 20 ක වන්දියක් ගෙවන ලෙසත් වරදකරු වන යෝගි පටෙල්ට නියම කර තිබෙනවා.