පළමු තරඟයේ සූදානම ගැන චරිත් අසලංකගෙන් ප්‍රකාශයක්..
සංචාරක ශ්‍රී ලංකා කණ්ඩායම සහ සිම්බාබ්වේ කණ්ඩායම අතර තරඟ දෙකකින් සමන්විත එක්දින තරඟාවලියේ පළමු තරඟය අගෝස්‍තු 29 පැවැත්වෙනවා. තරඟාවලියට පෙර කණ්ඩායම් නායකයින් දෙපළ එක්වූ මාධ්‍ය හමුවේදී පළමු තරඟයේ සූදානම සහ කණ්ඩායමේ සංයුතිය පිළිබඳව ශ්‍රී ලංකා නායක චරිත් අසලංක අදහස් දක්වා තිබෙනවා.
” ලොකු අභියෝගයක් තියෙනවා. එයාලගේ රටේ ක්‍රීඩා කරන්නෙ. එයාලගෙ ගොඩක් අත්දැකීම් තියෙන ක්‍රීඩකයො කිහිපදෙනෙක් ඉන්නවා. හොඳ පන්දු යවන්නො දෙන්නෙක් ඉන්නවා. ඒවා තමයි අපිට තියෙන අභියෝග.
දවස් දෙකක් විතර ගියා අපිට කාලගුණයට හැඩගැහෙන්න. ටිකක් සීතලයි ලංකාවට වඩා. උදෑසනම තරඟ පටන්ගන්න නිසා සීතල ටිකක් වැඩියි. මේ ග්‍රවුන්ඩ් එකේ හුළඟ ගොඩක්ම තියෙනවා. ඒකත් අභියෝගයක් වෙයි අපිට. “
යනුවෙන් නායක චරිත් අසලංක තරඟයේ සූදානම ගැන අදහස් දක්වා ඇති අතර ආන්දෝලනාත්මක අංක 04 ස්තානයේ පිතිකරණයේ යෙදෙන ක්‍රීඩකයා ගැනද අසලංක අදහස් දක්වා තිබුණා. ඒ අනුව පළමු තරඟයේදී සදීර සමරවික්‍රම අංක 4 පිතිකරුවා ලෙසින් ක්‍රීඩාකරනු ඇති බවයි ඔහු සඳහන් කර තිබුණෙ..
