දෙවන එක්දින තරඟයේදී ශ්‍රී ලංකා කණ්ඩායමේ ප්‍රභල වෙනස්කමක්..
සංචාරක ශ්‍රී ලංකා කණ්ඩායම සහ සිම්බාබ්වේ කණ්ඩායම අතර තරඟ දෙකකින් සමන්විත එක්දින තරඟාවලියේ පළමු තරඟයෙන් තියුණු ජයක් වාර්තාකිරීමට ශ්‍රී ලංකා කණ්ඩායම සමත්වුණු අතර දෙවන තරඟය අගෝස්තු 31 පැවැත්වෙනවා.
දෙවන තරඟයේ සූදානම සහ කණ්ඩායමේ සංයුතිය පිළිබඳව ශ්‍රී ලංකා පිතිකරණ පුහුණුකරු තිළිණ කණ්ඩම්බි අදහස් දක්වා තිබෙනවා. නිශාන් මදුශ්ක යම් අබාධයකට ලක්ව ඇති බවත් ඔහු වෙනුවට නුවනිඳු ප්‍රනාන්දු ක්‍රීඩාකිරීමට නියමිත බවත් ඔහු මෙහිදී ප්‍රකාශ කර තිබෙනවා.
” අපි බැටින් ස්‍ට්‍රෙන්ත් කරලා එක බෝලර් කෙනෙක් අඩුවෙන් ගහන්නෙ.. ජනිත් නොම්බර 06 ස්තානයේ කන්සිස්ටන්.. හැම තරඟයකම අවශ්‍ය ලකුණු ලබලා දුන්නා. හොඳ ඉනිමක් ක්‍රීඩා කළා කමිඳුට ලොකු සහයෝගයක් දීලා. නිශාන් ආබාධයකට ලක්වෙලා තියෙනවා. එහෙම වුනොත් නුවනිඳු ගොඩක් වෙලාවට ක්‍රීඩාකරයි. ඩිල්ශාන් හොඳ කම්බැක් එකක් දුන්නා. අවශ්‍යතාව වැඩියෙන්ම තිබ්බ වෙලාවෙ හොඳින් පන්දුයැව්වා.. ඒක තමයි විය යුත්‍තේ. අන්තිම වෙනකන් යන තරඟ ක්‍රීඩා කිරීමෙන් තමයි අත්දැකීම් ලබාගන්නෙ.. “
යනුවෙන් පිතිකරණ පුහුණුකරු තිලිණ කණ්ඩම්බි අදහස් දක්වා තිබෙනවා.
