චැම්පියන්ස් කුසලානය අභියස ඕස්ටේලියාව අර්බුධයක..

2025 ICC චැම්පියන් කුසලාන තරඟාවලිය එළඹෙන පෙබරවාරි 19 වනදා සිට මාර්තු 09 වනදා දක්වා පැවැත්වීමට නියමිතව තිබෙනවා.

චැම්පියන්ස් කුසලානයට ඕස්ට්‍රේලියානු නිත්‍ය නායක පැට් කමින්ස්ගේ සහභාගීත්වය මේවනවිට අවිනිශ්චිත තත්වයකට පත්ව තිබෙනවා. ඒ නිමාවු බෝඩර් – ගවස්කාර් කුසලාන ටෙස්ට් තරඟාවලිය අතරතුර වළලුකර ආශ්‍රිත ආබාධයකට ලක්වීම හෙතුවෙන්. ඔහු ස්කෑන් පරීක්ශණයකට භාජනය වීමට නියමිත අතර තත්වය ඉතා බරබතළ වුවහොත් චැම්පියන්ස් කුසලාන තරඟාවලිය ඔහුට අහිමිවීමට ඉඩඇති බව වාර්තා වනවා.

පැට් කමින්ස්ගේ නායකත්වය යටතේ ඕස්ට්‍රේලියාව පසුගිය වර එක්දින ලෝක කුසලාන ශූරයන් බවට පත්වීමටද සමත්වුණා. යම්හෙයකින් පැට් කමිස්ට චැම්පියන්ස් කුසලාන තරඟාවලිය අහිමිවුවහොත් ඕස්ට්‍රෙලියානු කණ්ඩායමට නව නායකයෙක් යටතේ තරඟාවලිය ක්‍රීඩාකිරීමට සිදුවෙනවා.